PNP Sara Nagpresentar sang mga Loose Firearms nga Boluntaryo nga Ginsurrender sa Banwa

 SARA, ILOILO — Nagpresentar ang Philippine National Police (PNP) - Sara sang mga loose firearms nga boluntaryo nga ginsurrender sang mga pumuluyo gikan sa nagkalain-lain nga barangay sa banwa sang Sara subong nga Lunes, Setyembre 21, 2026.

Ginhiwat ang presentasyon sa atubang sang munisipyo sang Sara kun sa diin ginpanglatag sa lamesa ang mga nasurrender nga armas-luthang kag ginpresentar sa publiko kaupod ang mga katapo sang kapulisan kag sang lokal nga gobyerno.

Suno sa impormasyon, gin-turn over ang mga armas sa otoridad bilang kabahin sang padayon nga kampanya sang PNP kontra sa paglapta sang loose firearms kag bilang tikang sa pagpatuman sang layi kag pagpasanyog sang peace and order kag public safety sa banwa.

Samtang, nagapadayon ang panawagan sang PNP Sara sa tanan nga nagapanag-iya sang armas nga wala marehistro ukon wala sang nagakaigo nga dokumento nga magpasakop sa husto kag legal nga proseso sang pagsurrender paagi sa pagpadulong sa pinakamalapit nga police station.

Ginpahanumdom sang kapulisan nga ang boluntaryo nga pagsurrender sang loose firearms ang makabulig agud malikawan ang posible nga pagkalambigit sini sa krimen kag masiguro ang kalinong kag katawhay sang komunidad.

Photo Courtesy: Sara Gugma Ko / PNP Sara